El vienres 20 de payares a les 19:00 hores entamaba la manifestación antifacista d'esti añu, col llema: "+trabayu -políticos". Unes 150 persones ficieron un recorriu qu'incluyó una parada na comisAría onde mataron a David Blanco n'Avientu del 2008.Comunicau de la CAA nel 20N: "Tornar a les cais esti 20P, día nel que se recuerd la muerte del dictador Francisco Franco, día que nos val a los antifacistes pa denunciar l'heriedu facista del sistema nel que vivimos, porque como'l propio Francu dixo enantes de morrer "dexolo to arreyáo y bien arreyáo". Hai que facer un exerciciu de memoria hestórico, pero tamién hai qu'escribir los postreros 30 años d'hestoria n'Asturies, y nin Franco nin la estrema derecha foron quien desmantelaron Asturies. Los responsable de la situación insostenible na que vivimos y que llevamos años abasnando los asturianos tien como responsable la malnomada esquierda; toos esos partíos y sindicatos que ficieron d'una ideoloxía xusta un puru teatru onde interpreten la so particular obra d'obrerismu y socialismu."
Pela nueche más de 300 persones asistieron al conciertu antifacista na Casa Sindical de Xixón, col conciertu la CAA va facer frente al pagu de multes derivaes del procesu de Cangues d'Onís.
Pese a que la tarde del vienres foi una tarde de lluvia mas de 150 persones sumaronse a la manifestación convocada pola CAA a les 20 hores. Tres una pancata na que podía lleese " +TRABAYU - POLITICOS" los manifestantes tomaron la carretera en Naval Xixón, ya que la policia nun fizo'l so trabayu. La primera parada foi nel puente xunta la comisaria nazional onde s'escolingó una pancata na que podía lleese "EQUÍ MATARON A DAVID BLANCO" con una flecha que señalaba la comisaría n'alcordanza del rapaz muertu nos sos calabozos el pasáu 26 d'Avientu del 2008 y cuyu casu siguí ensin esclariase. Nuna manifestación combativa traques de petardos y canticos como "+ TRABAYU - POLICÍA" "OBRERU DESPEDÍU, PATRÓN COLGÁU" "PUXA ASTURIES ANTIFACISTA"... acompañaron a los antifacistes peles cais de Xixón que portaben banderes asturianes y de collores que portaben los militantes de la CAA. Al finar la manifestación, fizose un mural na Casa Sindical cola cara de David Blanco y n'alcordanza de toles victimes de la dictadura de la democracia. Dende la CAA valorose positivamente la manifestación ya que yera la primera que se convocaba unicamente como CAA. L'anecdota foi protagonizada por unos megasuperactivistes neonanzis que demientres la manifestación trescurria peles cais xixoneses tiraron una bengala a la ANARXYA DISTRY, situada nos baxos de la casa sindical, glayaron " arriba ejpaña" y volvieron a metese nel so BMW pa dir, de xuru, a cellebrar tan importante trunfu de les idees supremacistes.
Más de 300 persones asistieron al conciertu antifacista del 20 de payares de 2009. Abrieron la nueche los ritmos electrónicos de SC Ganja Sound con Nebula Selektah siguios de Doris Escarlata, con su "de tragedia". Dempués actuarien Gomeru, que vien de grabar so últimu discu: "Llume" y más tarde, dende Burgos, "A quemarropa" con ritmos punk y oi!. El conciertu finó con Dixebra, que aprovecho pa dedicar el canciu de 35, de so últimu discu: "Amor incendiariu" a los antifacistes de Cangues y sos madres, pola llucha d'estos años. Pasadas las 3:00, y sin alpenes esistencies na barra pa siguir la fiesta, dexó de sonar la música y la xente abandonó la Casa Sindical.
SEMEYES:
