¡Reivindicar la historia de les lluches populares del nuestru País!Dende la mocedá de la Corriente Sindical d’Izquierda queremos felicitar a Darréu pola organización un añu más del Día de la Mocedá Revolucionario. Nestos tiempos nos que la manipulación españolista de la Historia convirtióse nun ellementu más pa lexitimar el presente estáu de les coses, ye más necesariu que nunca’l recuperar y el reivindicar la historia de les lluches populares del nuestro País. Nesi sentíu Darréu amosó saber continuar el camín qu’entamó hai diez años la desaparecia Andecha Mocedá.
Tanto nel pasáu como nel momentu presente tou Estáu ye n’última instancia la ferramienta política de la clase dirixente pa imponer violentamente la so dominación al resto de les clases sociales. Y en ochobre de 1934 el proletariáu asturianu dempues de décades de represión y esplotación tenía más que aprendia la lección de que’l Estáu español realmente esistente, ya fuera utilizando la bandera bicolor o la tricolor, yera esencialmente la espresión política y xurídica de los sos enemigos de clase. Polo tanto los dos primeros y más fundamentales pasos d’aquella revolución fracasada fueron la criación d’un contra-poder armáu, l’Exércitu Obreru, y la proclamación d’una República Socialista al marxe de la soberanía de la II República burguesa española: la República d’Obreros y Campesinos d’Asturies.
Güei como ayeri el camín haza la soberanía popular, haza la democracia plena y haza el Socialismu tien como prime pasu la autoorganización del pueblu trabayador asturianu como contra-poder na cai, na barricada, na empresa, y en toa clase d’espacios sociales. Porque la revolución nun ye un oxetivu alloñáu a realizar un día sinon un procesu cotidianu y constante d’acumulación y d’exerciciu de fuercies.
¡Puxa Asturies anticapitalista!
¡Puxa la República d'Obreros y Campesinos d'Asturies!
