Un autobus de solidarios/es que se desplazaba dende Lleón, Salamanca y Pucela p'hacia Uviéu, col motivu de la mani pola absolución de los 14 de Cangues, foi reteniu al mediudía por axentes de les fuercies de seguridá que desviaron el vehículu y procedieron a retener y rexistrar a los viaxeros y equipaxe. Los solidarios/es tán ya n'Uviéu onde fueron recibidos polos compañeros/es qu'asperen l'entamu de la manifestación: a les 18:00 hores dende la Estaciónd e la Renfe d'Uviéu.18:30 hores: Unes 700 persones caleyen l'entamu de la cai Uria. Llueve dende primera hora de la mañana. Lxs solidarixs que fueron identificaos relataron les males formes coles que la policia fizo el rexistru. Les Madres poles llibertaes lleven so cancarta alante. Vense banderes antifacistes y pancartes de coletivos d'otres partes del estau: Coordianadora de Salamanca, Madrid o Lleón...
19:30 hores: Más de 1000 persones y numberosos antidisturbios participaron na manifestación de güei n'Uviéu pola absolución de los 14 de Cangues, qu'afronten dientru d'unos díes un xuiciu pola so participación n'un actu de rechazu del facismu y el racismu. La presencia policial foi notable durante tola xornada, policia uniformada y disfrazada de paisanu siguieron antes y después de la manifestación a quienes participaron.
