El pasáu domingu 28 de noviembre la Ruta contra’l racismu y la represión entamó un alcuentru intercultural en solidaridá colos menores del Centru de primera Acoyida, onde entá se denunciaben les manifestaciones racistes y les amenaces arramaes pola presidenta de l’Asociación de Vecinos de San Llázaro, asina como les concentraciones de calter ultraderechista realizaes a les puertes del Centru. Les brutales agresiones a menores del Centru asocedíes na madrugada del 8 d’avientu nun son más que la resultancia previsible d’aquelles manifestaciones. La Ruta contra’l racismu y la represión, constituyida por una ventena d’organizaciones sociales y polítiques, denuncia les agresiones y convoca un actu de solidaridá colos menores del Centru’l miércoles 15 a les 19:30h.
